vixlandicho

Ang Inter-Barangay Competition ay tumutlong sa pagkakaisa ng isang komunidad at nakakatulong din sa mga kabataan mahikayat sa sports at musika.

Ito rin ay maaaring makapagbigay ng extrang kita sa mga barangay at sa mga negosyante at makapagbigay daan upang madiskobre ang mga natatagong talento dito sa ating bayan.

Marami sa ating mga kababayan ang bumababa ang self esteem sa kanilang mga sarili na nakakaapekto rin sa kanilang mental health. Isa rin ang problema sa nutrition sa mga matatanda dahil hindi na sila makakain ng maayos dahil sila ay wala ng ipin.

Ang pagkakaroon ng pustiso ay malaking tulong sa mga tao na ito at maaari rin makapagbago ng kanilang buhay.

Ang Programang Libreng Pustiso ay maaari nating mailunsad sa tulong nga mga dental practitioners na ating kakilala at sa tulong na rin ng mga NGO at LGU.

Maglulunsad rin tayo ng Free Yearly Eye Checkup upang mapangalagaan ang mga mata ng ating mga kababayan lalo na ng mga mayroon ng edad .

Magkakaroon din tayo ng LIRENG OB-GYNE checkup para mapangalagaan ang mga kababaihang nagdadalang tao.

Ang Livestock Auction Center ay tutulong sa mga nag-aalaga ng hayop na mas kumita ng malaki sa pamamagitan ng bidding sa kanilang alagang hayop. Para naman sa mga mamimili ay mas madali silang makakapili ng alagang hayop na gusto nilang bilihin base sa kalidad at presyo na nais nila.

Ang Solar Street Lamp ay hindi lamang nagbibigay ng liwanag, ito ay nakakatulong din sa seguridad ng ating komunidad at kaligtasan ng mga motorista at tao.

Malaki rin ang matitipid ng ating LGU dahil hindi na kailangan magbayad ng kuryente para ito ay patakbuhin at mas mabibilis na maitatayo dahil hindi na kailangan ng electrical wirings nitosa mga liblib na lugar.

Sa traditional street lights naman ay mas madaling maiimplement dahil hindi kasing mahal ng Solar Street Light. Ito ay magandang ilagay sa mga lugar na malapit sa mga kalsada na madidilim.

Nais natin ma-implementa ang BMBE- Barangay Micro Business Enterprise o Republic Act 9178 na kung saan matulungan ang mga micro business na lumago ang kanilang mga maliliit na negosyo. Ang ilang sa benepisyo na maaaring makuha mo sa programa ng BMBE ay pagkakaroon ng Exemption o Reduce from Income Taxes. Ang certification ng BMBE para sa iyong negosyo ay maaari mo din magamit sa pag avail ng credit o loan sa banko tulad ng LandBank at iba pang credit union.

Sa pagkakaroon din ng BMBE certification ay maaari ka rin mabigyan ng technology, product and management training, marketing and investment promotion kung ito ay iyong nanaisin.

Isa mga malaking problema ngayong pandemya ay ang pagkawala ng trabaho ng marami. Nais natin magbukas ng mga opportunidad gaya ng Work From Home Workshop kung saan pwede matuto at magsanay ang interesadong mamamayan kung paano makapag-simula magtrabaho o kung paano kumita ng nasa bahay lamang gamit ang Internet.

Layunin din ng platapormang ito na makahikayat ng mga investors tulad ng Call Center at iba pang Information Technology company.

.